Ég ákvað að flytja bloggið mitt á www.egsjalf.blog.is
var orðin pínu þreytt á að komast ekki inn á siðuna mína ;)

Eruð þið ekki búin að hafa það gott yfir jólin?
Ég er búin að hafa það rosa fínt og við öll. Átum á okkur gat og fengum fullt af fínum gjöfum.
Ég lenti reyndar í því að þurfa að skipta einni peysu sem ég fékk, og mætti í búðina á fimmtudaginn, jú jú ég fór og reyndi að velja mér eitthvað í staðin......en vá.....það var ekki ein peysa eða bolur í búðinni sem passaði á mig. Eina sem passaði voru forljótar gallabuxur.
Er þetta merki um að ég þurfi í megrun......eða að búðin sé eingöngu hugsuð fyrir unglingsstepur sem ekki hafa átt börn, ég var orðin hálf þunglynd þegar ég gekk út.

Annars er ég pínu farin að missa mig í útsölunum......ekki mikið samt. Við Anna systir kíktum í debenhams í gær, ég var að leita að svona baðdúlleríi fyrir nýja gestaklósettið. Fann reyndar ekkert svoleiðis en fór samt út með buxur og peysu á orverpið.
Siðan datt ég inn í Hagkaup í dag og verslaði aðeins meira. Örverpið rak augun í Bubba byggir joggingalla sem hann langaði mikið í .......og fékk að sjáfsögðu.
Svo fann ég eitthvað meira af fötum á krílin mín.

Síðan fékk ég gjafabréf frá Torfa í jólagjöf þannig að ég ætla að kaupa eitthvað á mig þegar útsalan í Krinlunni byrjar.

Óska ykkur öllum gleðilegra jóla :)

Hvert er umferðin hér í höfuðborginni eiginlega að fara. Ég var 40 mínútur á leiðinni heim úr vinnunni í gær......og já, ég á ekki heima á Selfossi.

Þetta er ekki í lagi, enda var ég gjörsamlega búin á því þegar ég kom heim.

Annars væri ég alveg til í að vera á Selfossi núna og sjá Ölfusá í ham. Ég man þá gömlu góðu daga áður en Blanda var virkjuð, að við krakkarnir fengum frí í skólanum til þess að sjá leysingarnar í ánni.

Það var ekki lítið flott, klakar og læti á fullu niður ánna, svaka stuð.

Í Ölfusá eru reyndar engir klakar núna......en allavega mikil læti. Ég hafði samt smá áhyggur af pabba í gær, enda býr hann við árbakkann, en húsið hans ætti að sleppa það stendur það hátt.

Síðan hélt ég að greyið systir mín væri bara syndandi um bæinn á Akureyri......en nei nei ,þá var hún bara rétt að frétta af því að það hefðu verið einhver flóð í bænum. Hún býr svo hátt uppi að það var bara allt rólegt hjá henni, á meðan aðrir þurftu bókstaflega að synda út úr húsum sínum.

Ömurlegt svona rétt fyrir jólin að fá íbúðina sína á flot, eða þess þá heldur að þurfa að vaða drullu upp að hnjám í eldhúsinu hjá sér.

Þó svo að mér finnist yfirleitt svona veður soldið spennandi, þá er ég samt fegin að búa í Reykjavík þar sem næstum aldrei kemur almennilegt veður, þannig að hús og bílar skemmist.

Ég lifi náttúrulega enn á vonda veðrinu '91. Þegar ég var slösuð heima og komst ekki á spítalann fyrir veðrinu, ég hafði verið svo heppin að fá stoppunál öfuga í hnéskelina, og hún stóð föst þar þangað til Eyvi bróðir náði að toga hana úr.....og hnéskelin brákaðist :(. Þann sama dag sprakk flugskýli og brot úr því fuku á girðinguna heima hjá okkur og rifu hana með sér út í á.

Við fjölskyldan þurftum að hýrast ofan í kjallara megnið af deginum því að það var svo mikil hætta á að rúðurnar myndu springa.
 
Svo nottla snjórinn sem kom veturinn '94-'95 þegar fólk þurfti að grafa sig upp úr húsunum sínum því að snjórinn náði upp á þak.

Svona voru oft veturnir fyrir norðan, maður komst ekki í skólann í marga daga vegna rafmagnsleysis og óveðurs......þetta fannst manni alltaf voða spennandi og ég gerði í því að fara út í þessi óveður.

Mamma mátti stundum hafa sig alla við til að halda mér inni. Ég skildi aldrei neitt í þessu bulli í henni fyrr enn í eitt skiptið að það varð maður úti í götunni minni, aðeins nokkur hundruð metrum frá húsinu okkar.

Enda eru náttúruöflin þannig að maður skal alltaf bera fulla virðingu fyrir þeim. Þessi maður var bara rétt að skjótast í hesthúsið sem var ekki langt frá húsinu hans.

Loksins er hægt að fara í sturtu á heimilinu. Við heimilisfólkið höfum þurft að gera okkur að góðu að baða okkur í hálfónýtu baðkari þar sem vatnið rennur í dropatali....maður þarf semsagt að grípa dropana til að þvo sér.

Þannig að það var þvílík hamingjustund í gær þegar nýja sturtan frá sturta.is var tengd. Það mátti minnstu muna að slegist yrði um hver fengi að fara fyrstur.....en allt fór þetta þó vel fram og Alex fékk heiðurinn af því að vígja gripinn. Hann var reyndar svo spenntur að það þurfti að reka hann úr sturtunni til að klára að færa hana upp að veggnum :).

Húsmóðirinn ákvað síðan að prufa gripinn í gærkvöldi og jú jú hún virkaði bara ansi fínt fyrir utan smá árás frá nuddstútum......þarf kannski að læra aðeiiiinnns betur á þetta dót.

Svo bíður maður bara spenntur eftir baðkarinu sem verður sett upp eftir áramót, en það mun vera töluvert tæknilegra en sturtan, enda þarf að setja upp 2 rafmagnstengla og læti þar.

Að öðru leiti er allt fínt að frétta......öll krílin eru á jólaballi í dag og fóru af stað voða fín og sparileg í morgun, ýkt spennt yfir að skiptast á pökkum í skólanum. Litla dýrið fær meira að segja pakka í leikskólanum sem jólasveinninn kemur með.

Hann hefur sjaldan verið eins spenntur að fara í leikskólann. Venjulega segist hann ekki nenna í leikskólann, vill bara kúra heima hjá mömmu. En það var sko ekkert múður í morgun, hann var að fara á jólaball og ætlaði að hitta jólasveininn.

Í gær þegar ég var að svæfa hann þá bað hann mig að kaupa handa sér jólaföt eins og Margrét notaði á skautunum. Ég er mikið að hugsa um að láta það eftir honum. Það gæti meira að segja verið að það væri til eitthvað uppi í skáp síðan Alex var lítill. Spurning samt hvort sá galli passi á svona lítinn stubb sem notar föt nr. 86

jæja látum þetta gott heita í bili, mín ætlar að fara að skrifa jólakort. Þið Danmerkurgellur.......það er kannski ekki alveg víst að kortin nái fyrir jól..enda var víst síðasti skiladagur 14 des.  Mín er alltaf svo tímanlega í hlutunum

Leiðbeiningar aftan á þekktri "meik" tegund: "Do not use on children under 6 months old." (auðvitað byrjar maður ekki að mála börnin sín fyrr en þau eru orðin 7 mánaða!!!)

Leiðbeiningar á Sears hárblásurum: "Do not use while sleeping" (Einmitt þegar mér finnst skemmtilegast að dúlla í hárinu á mér)

Þetta stóð á umbúðum utan af Dial sápu: "Use like regular soap" (Og hvernig á aftur að nota svoleiðis?)

Á umbúðum af SWANN frystimat: "Serving suggestion: Defrost" (Mundu samt...þetta er bara uppástunga)

Hótel lét baðhettu í boxi fylgja með hverju herbergi, og á boxinu stóð: "Fits one head." (Sérðu ekki fyrir þér...einhverja tvo vitleysinga... með eina baðhettu...)
 

Á botninum af Tiramisu dessertinum frá Tesco stendur: "Do not turn upside down." (Úps, of sein)
 

Þetta stendur á búðing frá Marks & Spencer: "Product will be hot after heating." (Það er nefnilega það)

Á pakkningum af Rowenta straujárni: "Do not iron clothes on body." (En myndi það nú ekki spara mikinn tíma!)
 

Á hóstameðali fyrir börn frá Boots: "Do not drive car or operate machinery" (Þannig að Gunni litli fær ekkert að leika sér á lyftaranum þegar hann kemur heim)
 

Á flösku af "Nytol sleep aid" má sjá þetta: "Warning: may cause drowsiness" (Maður skyldi nú rétt vona það!)
 

Hnífasett frá Kóreu var merkt þannig: "Warning keep OUT OF children" (okí dókí!!!)

 

Jólasería frá Kína var merkt á eftirfarandi hátt: "For indoor or outdoor use only" (En ekki hvar...???)

Matvinnsluvél frá Japan var merkt svona: "Not to be used for the other use." (Ok...núna er ég orðinn mjög forvitin)

Hnetupoki frá Sainsburys: "Warning: contains nuts" (Jamm... ég fer mjög varlega)

Á poka af hnetum frá Amerísku flugfélagi stóð þetta: "Instructions: open packet, eat nuts" (Imbafrítt eða hvað?)
 

Leiðbeiningar sem voru á miða með blá, hvít og rauðköflóttri skyrtu segir: "Munið að þvo liti aðskilda" (Ehhh...já...áttu nokkuð skæri)
 

Leiðbeiningar á ónefndri örbylgjupopptegund segir manni að "taka plastið af áður en sett er í örbylgju" (Málið er, að til að geta lesið leiðbeingarnar verður þú að vera búinn að taka plastið af og fletta pokanum í sundur...)
 

Framan á kassa af "Töfradóti" fyrir krakka, er mynd af strák sem er klæddur eins og töframaður. Aftan á kassanum stendur: "Notice, the little boy is not included" (Ohhhhh.......ég sem var farin að hlakka svo til að eignast vin)
 

Ég keypti svona kisunammi fyrir köttinn minn. Á pokanum stendur "new and improved shapes" (Aaaa...einmitt það sem kötturinn minn er búinn að vera að nöldra út af)
 

Lítill miði var festur á "Superman" búning, á honum stóð: "Warning: This cape will not make you fly" (Núúúúú...þá kaupi ég hann ekki)
 

Á keðjusögum stendur oft viðvörunin "Do NOT touch the rotating chain" (Er það ekki nú nokkuð ljóst..haaaa??)
 

Eitt sem ég skil ekki "Waterproof" maskarar...á þeim stendur: >"Washes off easily with water" (Hmmm...hver er þá tilgangurinn?)

Jæja þá er ég búin að taka ákvörðun. Það verður ekki meiri jólahreingerning í ár. Ég er búin að vera að hamast við það síðustu daga að reyna að þrífa skápa og svoleiðis. En þar sem ég hef allt of fáa tíma í sólarhringnum gengur þetta afskaplega hægt og ég sé fram á að gera ekkert annað fyrir jól nema þetta.

Þannig að núna ætla ég að einbeita mér að því að skreyta........hvaða lög eru um það að það megi ekki setja upp jólaskraut fyrr en allir skápar eru orðnir bónaðir að innan.........svona er maður fastur í hefðunum og uppeldinu, enda var móðir mín alveg sérlegur meistari í jólahreingerningum.

Núna verður semsagt skíturinn bara falin undir jólaskrautinu, sem ég næ þá kannski að henda upp í kvöld......það má allavega reyna.
Reyndar er brjálað að gera þessa viku eins og þá á undan. Lúsíukaffi í morgun, aðventubekkjarkvöld í kvöld, fundur, aðventukaffi og saumó á morgun og jólasýning á sunnudaginn.

Ja.....ef ég næ þessu ekki í kvöld þá ætti föstudagskvöldið allavega að vera laust til að klára :).

Síðan ætlar mín bara að vera í rólegheitum fram að jólum, kannski baka......örverpið kallar á meiri "bangsímonkökur". Einu sinni hétu þær tívolíkökur, og eru einar af fáum eggjalausum smákökum fyrir utan piparkökur, en þetta árið lentu þær í bangsímonkökuboxi og hafa snarlega breytt um nafn.

Ég á líka eftir að gera mér ferð í kirkjugarðinn, stefnan er tekin á það um helgina og svo er eitt miðbæjarrölt fyrir jólin líka alveg nauðsynlegt. Mig langar líka mikið með krakkana í Árbæjarsafn, á Þjóðminjasafnið eða í húsdýragarðinn fyrir jólin.
Kannski nær maður því.

Mest langar mig samt í svona einn eða tvo frídaga svo ég gæti nú auðveldlega klárað þetta allt saman.......en það er víst ekki í boði.

Ég ætla að byrja á því að votta aðstandendum fórnarlamba bílslysa undanfarið samúð mína. Þetta er alveg hræðilegt að á rétt rúmri viku hafi 4 líf verið tekin með þessum hætti. Lítið stúlkubarn sem átti allt lífið framundan....og 3 ungir menn í blóma lífsins.

Eitthvað þurfum við að gera til að bæta úr þessu. Þessir þjóðvegir á Íslandi eru náttúrulega bara djók. Við sjáum bara hvernig þetta er eftir að Reykjanesbrautin varð upplýst og umferð úr gagnstæðum áttum aðskilin. Það hefur ekki orðið eitt einasta banaslys.

Svona ætti hringvegurinn í raun allur að vera, en til að byrja með gætum við sætt okkur við að svona væri vegurinn til Selfoss í austur og til Akraness í vestur frá Reykjavík. Framtíðarmarkmiðið getur svo verið hringvegurinn.

Þó svo að ég sé almennt nokkuð sátt við ríkisstjórnina, mætti forgagnsröðunin kannski vera betri stundum. Ég reyndar öfunda ekki þá sem þurfa að deila út peningum úr ríkiskassanum. Allir vilja sitt og finnst sitt málefni vera mikilvægast......en ef ég mætti ráða þá væri þetta mál mjög ofarlega á lista.

En að öðru, ég las grein í Morgunblaðinu í gær um íþróttaiðkun barna, sá sem skrifaði greinina var að tala um að honum fyndist að keppnisþjálfun ætti ekki að hefjast fyrr en við 10-11 ára aldur. Fram að því ættu börn frekar að vera í íþróttaskólum sem kynnti fyrir þeim mismunandi íþróttir.

Ég var svo sem ekkert alveg sammála þegar ég las greinina í gær, enda metast börnin sín á milli hvort sem það er skipulögð keppni eða ekki. Dóttir mín t.d hefur æft listskauta síðastliðna 5 vetur og langar ekki til að æfa neitt annað. Hún hefur engan áhuga á fótbolta eða slíku, þannig að ég veit að hún myndi ekki tolla í slíkum íþróttaskóla. Eða allavega aldrei hafa jafn gaman að honum og hún hefur að skautunum.

Þó verð ég að viðurkenna ða það runnu á mig tvær grímur í gærkvöldi þegar ég var að inna dóttur mína eftir því hvort hún ætlaði ekki að lesa.....þá sagðist hún þurfa að læra fyrir próf fyrst.....ég hváði, enda ekki próf fyrr en í janúar, og ekki mikið lesefni fyrir það þegar maður er í örðum bekk.

Nei þá var hún að læra fyrir próf á skautum, ég hélt þá að hún ætti kannski að læra hvað stökkin heita og snúningarnir. En nei nei þá var þetta bæklingur sem hún átti að lesa, með ýmsum sögulegum staðreyndum um skautaíþróttina.....hvað hvaða stökk tiltekinn skautari væri þekktur fyrir og þar fram eftir götunum. Ásamt ýmsu fleiru, og í lokin var ein síða með glósum, þar sem voru spurningar.

Dóttir mín 7 ára gömul þurfti þarna að læra mun þyngra efni en hún lærir fyrir próf í skólanum...ég fékk á tilfinninguna að ég væri slæm móðir að leyfa henni að stunda þessa íþrótt, þar sem eru gerðar meiri bóklegar kröfur á hana en í skólanum.

Hún bað mig reyndar að spyrja sig nokkurra af þessum spurningum á öftustu síðu og hún svaraði þeim öllum rétt svo að ég held að hún sé í góðum málum...enda gengur henni sérstaklega vel í skóla. En börn sem eru ekki eins vel stödd í námi en prýðilegir skautarar....hversu gott er það fyrir sjáfstraustið að fá lága einkunn á bóklegu skautaprófi þegar maður er 7 ára ? Ég bara spyr.

Ég hef verið voða löt að blogga......og líka bara tímalaus.

Ég er mjög hlynt svona kósý jólakvöldum með krökkunum og alveg á því að foreldrar eigi að fylgja börnum sínum á svona viðburði.

En vá ég er að verða uppgefin, núna eru 6 atburðir búinir og allavega 5 eftir........þetta er ekkert voða kósý lengur þetta þetta er svona mikið. Mér hefur ekki tekist í þessari viku að eiga eitt einasta kvöld heima í rólegheitum, því að eina kvöldið sem ekki var uppbókað varð ég að nota í að versla jólagjafir sem eiga að fara norður í dag.

Ég hef svo sem aldrei tekið eftir þessu áður eða fundist þetta mikið mál, enda hef ég aldrei verið að vinna svona lengi frameftir, en þegar maður vinnur til 5 og er síðan að mæta í svona uppákomur eftir það og um helgar líka þá er engin tími efti. Ég hef ekki einu sinni náð að skreyta hjá mér........hvað þá gera aðventukrans.

Jú mér tókst að baka örlítið áður en öll þessi dagskrá byrjaði ;)

......sorry varð bara að pústa smá......er orðin virkilega þreytt mamma sem er hætt að dæma foreldra sem láta sig vanta á einn og einn atburð hjá börnunum sínum......þó svo að ég geti eiginlega ekki hugsað mér það sjálf.

Mig er líka mikið búið að langa að kíkja í kirkjugarðinn þessa vikuna.......en það verður víst að bíða vegna tímaleysis.......á hverju ári ætla ég að taka mig saman í andlitinu og vera sterk og í jólaskapi þessa fyrstu viku í desember........og á hverju ári mistekst það. Kannski það komi næst.

Minningarnar eru bara svo fljótar að koma......ég leyfði mér að kíkja á fótaförin hans Bjarts á afmælisdaginn hans á þriðjudaginn, og komst að því að ég var næstum búin að gleyma hvað hafði svakalega litlar og fullkomnar tær. Svo var litla prinsessan mín svo sæt í sér að teikna mynd handa honum, sem við ætlum að plasta og fara með upp í kirkjugarð. Ég vona að við komumst í það á sunnudaginn.

Svo vona ég að jólaskapið komi aftur fljótlega. Ég hélt að þetta myndi verða auðveldara í ár, og var nú komin í soldið jólaskap í endan nóvember :)......en svona er þetta. Þetta er líka fysta árið sem ég hef ekki próflestur til að dreifa huganum..........ekki það að mig langi sérstaklega í próflestur, ég á víst eftir að fá nóg af honum á næstu árum.

Að lokum sendi ég með link á einn atburðinn :). Litla prinsessan var að sínar listir sínar á Ingólfstorgi í gær og þeir hjá RÚV mynduðu þennan líka flotta snúning hjá henni. Hún er reyndar bara alveg í lok fréttarinnar á eftir hokkýstrákunum

http://dagskra.ruv.is/streaming/sjonvarpid/?file=4284829/7